9. Hupuji holong ni, BL. No. 110

1. Hupuji holong ni rohaMu o Tuhan Jesus Rajangki
Tu Ho hulehon ma tondingku ai i do pinangidomi.
Ha halupahon ma diringku, Mamingkir holong ni rohamu

2. Sai dilului Ho do ahu, Au pe huhalungunhon Ho
Sitaiti rohaMi rohangku, dibahen i hulehon do
Dipilit Ho hian tondingku, i pe hutodo Ho, Tuhanku

3. Huhilala, ingkon mar Tuhan ingkon mangolu au di Ho
Ndang jumpang au be hangoluan aut unang dipatupa Ho,
Sai Ho do paradiananku, sai gok di Ho nama langkangku

4. di Ho saleleng ni lelengna, au on o Jesus, Tuhanki
Ho ma nampuna sasudena, gogongku ro artangki
Ai naung dilehon Ho mudarMu manggarar utang ni dosangku

5. Ai nunga tung diparhatoban Sibolis dohot dosa au,
Tuani ma Ho ro, o Tuhan mamaorsan uhum na tu au,
Ditoni Ho do hamatean mambaen di ahu hangoluan

6. O Jesus, uhir ma goarMu torang, bagas tu rohangkon
Asa tarsurat di jolongku holong ni rohaMi tongtong
Hatangku ro di parangenku ingkon dipuji do goar Mu.

Lagu : Dimitri Bortniansky, 1877

8. Jahowa Jahowa BL. 197

1. Jahowa Jahowa Jahowa, Di goarMu ma hasangapon i, Amen Amen,
Pujion nami do tong tong goarMi di joroMon, Sai naeng dohononku
Badia badia do goarMu Haleluya, Haleluya

2. O Jesus, o Jesus, O Jesus, GoarMi do dipuji hami on,
Amen, Amen, Ho do di suru Ama i, Na marholong roha i
Asa saut malua ma hami sian saluhut jea, Pinuji Ho, pinuji Ho.

3. O Tondi, o Tondi, o Tondi Parbadia, pinuji dohot Ho,
Amen, amen, Na sintong nang na tiur pe, nang na denggan sasude,
Ho do manuanhon tu roha ni sude hajolamaon, Haleluya, Haleluya

7. Puji Hamu ma asi ni roha, BL. No. 43

1. Puji Hamu ma asi ni Roha ni Tuhan Jahowa di halak Kristen i
AI naung diontang sude jolma tu hangoluan na so ra suda

2. Tuhan Jahowa pagomgom di sude.
Nasa parhosa manomba Raja i
Marloksaloksa suruanNa mamuji tongtong GoarNa

3. Hamu parbegu, unang ma, tundal be,
Tu Tuhan Jesu ro ma hamu sude
Ai naung di tongos do hataNa, Dosa sudena nuaeng sesaonNa

4. Dohot do bohal dilehon Debata
Ndang marnahurang tuk songon na tama
Udan pe dohot las ni ari, nasa parguna do dipasari

5. I pe sai puji denggan basa Na i,
Asa lam ganda hasangaponNa i
Tongtong do hita ramotanNa, On pe tapuji denggan basa Na.

6. Puji Jahowa Na Sangap, BL. No. 56

1.Puji Jahowa na sangap huhut marmulia
Hamu sudena parroha na ringgas na ria
Marpungu be marolop olop sude
hamu sude manisia

2. Puji Jahowa sigomgom sude parluhutan
Na manogihon ho songon niiring ni tangan dohot hosam
Songon hombar tu roham sai diramoti Ibana

3. Puji Jahowa, naung tipak manompa dagingmu
Jala na tongtong manumpak hisar pamatangmu
Jotjot do ro pangurupina tu ho, uju na ro hagogotan

4. Puji Jahowa situmpak sude ulaonmu
Ai ditumpakkon tu ho tongtong hangoluanmu
Ingot ma i denggan basaNa do i, tomutomuNa sambing do

5. Puji Jahowa tondingku, pasangap goarNa i !
Dohot sude na marhosa mamuji Ibana
I do ture baenon ni hita sude. Sai taendehon ma Amen!

5. Sai tapuji ma Jahowa, BL. No. 83

1. Sai tapuji ma Jahowa, Debatanta na tuju

Tapatimbul ma Amanta na bonar huhut burju

Binsan hosangki di si, Pujionku Tuhanki

2. Ndang haposan ni rohanta dongan na di tano on

Ai jotjot do mubauba tahi ni rohaninon

Dung i, molo mate i, pesan ma tahina i.

3. Sai martua manang ise siasahon Debata

Ai dison pe dohot muse dipasonang Debata

Ala ni haposi ma holan Tuhan debata.

4. Ai Ibana do sitompa langit dohot tano on

Rodi isi ni sudena, sasude portibi on

Debata haposan i, ai tongtong roha Na i.

5. Ai Ibana pasintongkon uhum tu na pogos i

Hangoluan ditumpakhon tu na haleonon i

Nang na hona hilang pe dipalua do sude.

6. Sai ibana patonggorhon mata na mapitung i,

Pangapulon pe dihorhon di parroha na tungki,

Sai diparhamaol tutu nasa jolma na burju.

7. Sai Ibana mangondingi na mabalu i sude

Sai ibana mangurupi na tading di lampin pe.

Sogot uhumonNa be na tois roha i sude.

8. Debatanta do rajanta salelenglelengna i.

Ala ni las ma rohanta, hita na porsea i.

Taendehon Debata, rap mandok haleluya !

Johan Georg Basseler 1806

4. Sai Puji Debata BL. No. 148

1. Sai puji Debata dibaen asi rohana

Huhut tongtong basa di nasa tinompana

Ria ma hita be mamuji Debata

Ai sesa do auaeng dosanta i dibaen

2. Disuru Debata anakNa Jesus Kristus

Jadi mansai arga do hita ditobus

Diporsan Jesus i dosanta sasude asa mudarNa i paias hita be.

3. Dibahen i tama pujion ni rohanta, Tuhanta Debata,

Nang Jesus pe anakNa, nang Pangondian i,

Naung ro tu hita onmanggonto Jesus i, Pujion do tongtong

Choral Buch 156, Johann Cruger 1647

3. Puji Jahowa Ale Tondingku BL. No. 137

1. Puji Jahowa ale tondingku, Puji Ibana Debata mi

Tagan so suda dope bohalhu, naeng pujionku basana i

Sitompa daging, tondi pe ingkon dipuji sasude,

Haleluya, Haleluya

2. Tubu ni jolma do nang na sangap jala na mulak tu tano i

Tahitahina pe laho do monjap molo dibondut tanomani

Ndang jolma hasonanganki, Debata do haposangki,

Haleluya, Haleluya

3. Martua halak niendingan ni Debatat Jahowa i,

Angka na hot marhaporseaon di Jesus Kristus Tuhanta i,

Molo Debata donganmu ndang ndong hurang tua mu.

Haleluya Haleluya

Lagu : JA Freyl Inghausen 1664